Նորություններ

24.01.2018

Երևանի Վ. Մայակովսկու անվան հ. 7 դպրոցը նշել է հիմնադրման 80-ամյա հոբելյանը

Մայրաքաղաքի Վլադիմիր Մայակովսկու անվան հ. 7 հիմնական դպրոցի հիմնադրման 80-ամյակի առթիվ Երևանի պետական կամերային թատրոնում կազմակերպվել է կրթօջախի հոբելյանին նվիրված միջոցառում:

Ցերեկույթի ընթացքում դպրոցի ուսուցչական անձնակազմն ու աշակերտները ներկայացրել են դպրոցի 80-ամյա պատմությունը, անցած ուղին, հաջողություններն ու այս տարիների ձեռքբերումները:
Միջոցառմանը ներկա են գտնվել Երևանի քաղաքապետի տեղակալ Արամ Սուքիասյանը, ՀՀ-ում ՌԴ և Վրաստանի դեսպանության ներկայացուցիչներ, պաշտոնատար այլ հյուրեր, Երևանի ավագանու անդամ, դպրոցի շրջանավարտ Արա Երնջակյանը, ինչպես նաև դպրոցի այլ շրջանավարտներ, ովքեր մշակույթի, հեռուստատեսության և մի շարք այլ բնագավառներում մասնագիտական հաջողությունների հասնելով, իրենց ներդրումն են ունեցել դպրոցի զարգացման գործում:
Շնորհավորելով դպրոցի ուսուցչական անձնակազմին և աշակերտներին՝ Արամ Սուքիասյանն ընդգծել է կրթօջախի ուրույն դերը սերունդների կրթության և դաստիարակության գործում և մաղթել դպրոցին նորանոր հաջողություններ:
Միջոցառման ավարտին դպրոցի 80-ամյա հոբելյանի առիթով սովորողների կրթության և դաստիարակության գործում ներդրած ավանդի համար Մայակովսկու անվան հ. 7 հիմնական դպրոցի մանկավարժն

20.12.2017

Երևանի Ս. Գևորգյանի անվան հ. 189 դպրոցը նշել է 30-ամյա հոբելյանը

Մայրաքաղաքի Սամվել Գևորգյանի անվան հ. 189 ավագ դպրոցը նշել է հիմնադրման 30-ամյակը: Դպրոցի հոբելյանին նվիրված հանդիսավոր միջոցառմանը ներկա են գտնվել Երևանի քաղաքապետ Տարոն Մարգարյանը, ՀՀ ԱԺ պագամավոր, Սամվել Գևորգյանի որդի Արթուր Գևորգյանը, պաշտոնատար այլ հյուրեր, դպրոցի շրջանավարտներ, ուսուցիչներ:

Ցերեկույթի ընթացքում դպրոցի ուսուցչական անձնակազմն ու աշակերտները ներկայացրել են դպրոցի 30-ամյա պատմությունը, անցած ուղին, հաջողություններն ու այս տարիների ձեռքբերումները:

08.12.2017

Նշվել է Ստեփան Զորյանի անվան հ. 56 հիմնական դպրոցի հիմնադրման 70-ամյակը

Երևանի քաղաքապետի տեղակալ Արամ Սուքիասյանը ներկա է գտնվել Ստեփան Զորյանի անվան հ. 56 հիմնական դպրոցի հիմնադրման 70-ամյակի հանդիսավոր արարողությանը: Հանդիսությանը մասնակցել է նաև Երևանի գլխավոր ճարտարապետ Տիգրան Բարսեղյանը:

Երևանի քաղաքապետարանի ենթակայության դպրոցի բակում բացվել է կրթօջախի անվանակրի՝ հայ նշանավոր գրող Ստեփան Զորյանի հուշատախտակը: Միջոցառման ընթացքում ներկայացվել են կրթօջախի անցած ուղին, տարբեր տարիներին դպրոցում դասավանդած վաստակաշատ մանկավարժների գործունեությունը, անդրադարձել դպրոցի վարկանիշը մշտապես բարձր պահած շրջանավարտների հաջողություններին: 
Ըստ օրվա խորհրդի և դպրոցի հոբելյանի առթիվ դպրոցի տնօրեն Սուսաննա Գալստյանը և մի շարք ուսուցիչներ պարգևատրվել են Երևանի քաղաքապետի պատվոգրերով:

25.11.2017

Երևանի Միսաք Մանուշյանի անվան դպրոցի և Մարսելի «Համազգային» դպրոցի միջև ստորագրվել է հուշագիր

Երևանի քաղաքապետ Տարոն Մարգարյանի գլխավորած պատվիրակության կազմում Մարսելում գտնվող Երևանի քաղաքապետի տեղակալ Արամ Սուքիասյանը և պատվիրակության անդամներն այցելել են Մարսել քաղաքի Համազգային դպրոց, ծանոթացել են կրթօջախի պայմաններին և հետևել տեղում կրթական գործընթացի կազմակերպմանը: 
Ներկայացնելով «Համազգային» դպրոցի ստեղծման պատմությունը`  տնօրեն Սեդա Բիբերյանը նշել է, որ այն հիմնադրվել է 1980 թվականին՝ «Համազգային» կրթական և մշակութային ասոցիացիայի կողմից, ֆրանս-հայկական կրթական բազայի հիման վրա: Սկզբում ունենալով միայն նախադպրոցական խումբ`  կրթօջախը տարեցտարի ընդլայնվել ու ստեղծել է տարրական դպրոց, որն արդեն 1987 թվականից սկսել է գործել որպես հիմնական դպրոց: Սեդա Բիբերյանը նաև ընդգծել է, որ «Համազգային»-ը Ֆրանսիայում գործող միակ դպրոցն է, որտեղ ուսուցանվում է նաև հայերեն: Նշվել է, որ դպրոցն այսօր ունի շուրջ 350 աշակերտ և 44 ուսուցիչ, որոնցից 5-ը հայեր են:
Շնորհակալություն հայտնելով Սեդա Բիբերյանին՝ դպրոցն ու կազմակերպվող կրթական գործընթացը ներկայացնելու համար, փոխքաղաքապետ Արամ Սուքիասյանն առանձնակի կարևորել է այն դերն ու նշանակությունը, որ ունի այս կրթօջախը հայապահպանության գործում և, առիթն օգտագործելով, վստահեցրել է, որ Երևանի քաղաքապետարանն իր լիազորությունների շրջանակում պատրաստ է աջակցելու կրթօջախին՝  ուսուցիչների վերապատրաստման և աշակերտների փոխանակման հարցում: 
Այցի շրջանակում Երևանի քաղաքապետարանի արտաքին կապերի վարչության պետ Դավիթ Գևորգյանը և «Համազգային» դպրոցի տնօրեն Սեդա Բիբերյանը ստորագրել են հուշագիր, համաձայն որի Երևանի Միսաք Մանուշյանի անվան դպրոցը և Մարսելի «Համազգային» դպրոցը պարտավորվել են խրախուսել երկու դպրոցների միջև աշակերտների փոխանակումը, ուսուցիչների և աշակերտների միջև էլեկտրոնային հաղորդակցումը, համատեղ քննարկումների և սեմինարների կազմակերպումը, կնպաստեն փոխադարձ վերապատրաստումների կազմակերպմանը և կփոխանակվեն անհրաժեշտ նյութերով ու տեղեկատվությամբ:

16.11.2017

Երևանում հյուրընկալել են Սանկտ Պետերբուրգից ժամանած աշակերտներին

Երևանի և Սանկտ Պետերբուրգի միջև հաստատված համագործակցության ծրագրի շրջանակում Սանկտ Պետերբուրգի հ. 619 միջնակարգ դպրոցի աշակերտներն ու ուսուցիչներն այցելել են Երևան՝ ծանոթանալու մայրաքաղաքի պատմությանը և մշակութային կյանքին:

Երևան քաղաքի պատմության թանգարանում նրանց ընդունել է Երևանի քաղաքապետարանի աշխատակազմի հանրակրթության վարչության պետ Աննա Ստեփանյանը: 

Երևան քաղաքի պատմության թանգարանում հյուրերը ծանոթացել են մայրաքաղաքի դարավոր պատմությանն ու մշակույթին, ապա անակնկալ մատուցել հյուրընկալող կողմին՝ երգելով Երևանի հիմնը: Այնուհետև Երևանի քաղաքապետարանի աշխատակազմի տուրիզմի բաժնի նախաձեռնությամբ սանկտպետերբուրգցի աշակերտները և ուսուցիչները «Երևան Սիթի Տուր» ավտոբուսով զբոսնել են մայրաքաղաքի փողոցներով:
Ռուսաստանի Դաշնությունից ժամանած հյուրերը Երևանում կհյուրընկալվեն մինչև նոյեմբերի 20-ը: Այդ ժամանակահատվածում նրանք կծանոթանան մայրաքաղաքի պատմամշակութային հուշարձաններին և տեսարժան վայրերին, կայցելեն Ծիծեռնակաբերդ հուշահամալիր և Ցեղասպանության թանգարան, ինչպես նաև Երևանի Ալ. Պուշկինի անվան հ. 8 հիմնական դպրոցի իրենց հասակակից հայ աշակերտների հետ կմասնակցեն համատեղ դասերի:

27.10.2017

Երևանի քաղաքապետարանի ենթակայության Գրիգոր Նարեկացու անվան հ. 137 դպրոցը 50 տարեկան է

Երևանի քաղաքապետի տեղակալ Արամ Սուքիասյանը ներկա է գտնվել Երևանի քաղաքապետարանի ենթակայության Գրիգոր Նարեկացու անվան հ. 137 հիմնական դպրոցի 50-ամյա հոբելյանին նվիրված հանդիսավոր արարողությանը: Միջոցառմանը մասնակցել են նաև ՀՀ ԱԺ պատգամավոր Արայիկ Հովհաննիսյանը, Շենգավիթ վարչական շրջանի ղեկավար Արմեն Սարգսյանը:

Հոբելյանի առթիվ Երևանի քաղաքապետի տեղակալը շնորհավորել, բեղմնավոր գործունեություն և նորանոր ձեռքբերումներ է մաղթել կրթօջախի մանկավարժներին, աշակերտներին ու շրջանավարտներին՝ վստահություն հայտնելով, որ բարի ավանդույթներն այս դպրոցում շարունակական կլինեն:
Տոնական միջոցառումը հագեցած էր նաև գեղարվեստական համարներով, դպրոցի երգչախմբի կատարումներով, կրթօջախի առօրյայի մասին պատմող տեսանյութերով ու շնորհավորական ուղերձներով: Դպրոցի կեսդարյա հոբելյանի առիթով մի շարք ուսուցիչներ արժանացել են Երևանի քաղաքապետի պատվոգրերի: