Դիմում եմ Հայաստանի Հանրապետության դպրոցների շրջանավարտներին, որ իրենց հայացքն ուղղեն դեպի իրենց հարազատ  կրթօջախները, սատար կանգնեն դպրոցին, յուրաքանչյուրն իր ներդրումն   ունենա դպրոցների բարգավաճման կարևորագույն գործում:Այսօր դպրոցն ունի և´ նյութական, և´ բարոյական, և´ հոգեբանական աջակցության կարիք: Նորանկախ պետությունն ամեն ինչ անում է պատշաճ  մակարդակի հասցնելու   կրթության որակը, քանզի դպրոցն է ամուր պետության հիմքը:

Հ.71 դպրոցի նախկին շրջանավարտ, Մոսկովյան «Լուդինգ» Ընկերության նախագահ` Արթուր Վարժապետյան:

  Ես` Ավետիք Գրիգորի Աբրահամյանս / Արթուր Աբրահամ/, ծնվել եմ Երևանի Ն. Չարբախ թաղամասում, 1980 թվ-ին: Սովորել եմ տեղի հ.99 միջնակարգ դպրոցում: Իմ սպորտի նկատմամբ սերը ձևավորվել է նույն դպրոցում ֆիզկուլտուրայի ուսուցչներիս շնորհիվ: Իմ դպրոցն ու ուսուցիչներն ոչ միայն նպաստել են իմ որպես մարդ և քաղաքացու ձևավորմանը, այլ նաև սերմանել են սեր և մեծ պատասխանատվություն հայրենիքիս նկատմամբ: Միշտ իմ ականջներում հնչում է իմ դասղեկ ընկեր Ս. Մարտիրոսյանի խոսքը, որ լավ մարզիկը պետք է գիտելիք ունենա: <<Գիտելիք + ուժ+ համառություն և աշխատասիրություն>>, ահա այն բանաձևը, որը օգնեց ինձ հասնելու հաջողության: 

 Ամեն անգամ հայրենիք ժամանելիս ես մեծ հաճույքով այցելում եմ հարազատ դպրոց, որտեղ արժանանում եմ ուսուցիչներիս և աշակերտների ջերմ ընդունելությանը, որը ինձ մեծ ուժ ու ոգևորություն է տալիս հետագա մրցամարտերում հաղթելու համար: 

 Ես իմ երախտագիտության խոսքն եմ ուղղում ոչ միայն իմ ծնողներին, այլ նաև իմ դպրոցին և ուսուցիչներին: 

 Շնորհակալ և երախտապարտ եմ քեզ, իմ սիրելի’ դպրոց և շա’տ սիրելի ուսուցիչներ:

 Արթուր Աբրահամ

Բոլոր այն շրջանավարտներին, ովքեր ավարտել են Երևանի հ. 71 դպրոցը:1990-1991 ուստարում ավարտել եմ Ն. Ստեփանյանի անվան հ.73 .դպրոցը` լավագույն ավանդույթներով դպրոց, որտեղ ստացել եմ ռուսական կրթություն:Դպրոցը ինձ տվել է կայուն գիտելիքներ, որոնք ինձ օգնել են աշխատանքային գործունեության մեջ: Սիրով եմ հիշում իմ տնօրենին, դասղեկին և դասավանդող բոլոր ուսուցիչներին:Իմ երազանքն է, որ յուրաքանչյուր շրջանավարտ բարի ու լավ ցանկություններով հիշի իր կրթօջախը, քանզի դպրոցն է մարդու ձևավորման հիմնաքարը:Իմ դպրոցն ունի պատկառելի տարիք. այն 73 տարեկան է: Ես ուզում եմ, որ չնայած այդ տարիքին, այն միշտ լինի երիտասարդ ու նորովի:Ապրելով հայրենիքից հեռու` հետևում եմ դպրոցիս անցուդարձին և ուրախանում նրա ամենափոքր հաջողություններով: Ես հպարտ եմ, որ հ. 71 դպրոցի շրջանավարտն եմ և պատգամում եմ բոլոր շրջանավարտներին բարձր պահել դպրոցի պատիվը:Ուզում եմ հավատալ, որ իմ կրթօջախը ավարտած յուրաքանչյուր ոք իր շնորհակալությունը կհայտնի հարազատ դպրոցին և լավ ու բարի գործերով սատար կկանգնի նրան:

հ. 71 դպրոցի շրջանավարտ,
«Կոմեդի քլաբ»-ի պրոդյուսեր` Գարիկ Մարտիրոսյան:     

 Հավատացած եմ` բոլոր շրջանավարտներս բարի և ջերմ ցանկություններով ենք հիշում մեր կրթօջախը. իրոք յուրաքանչյուրիս դպրոցն է ձևավորել, երազելու և դրան հասնելու թևեր տվել։ Մինչդեռ հայոց դպրոցն այսօր բոլորիս հոգածության կարիքն ունի։ Եվ մեր պարտքն է  հոգալ այդ  կարիքները, ինչպես` մեր սեփականը։Հիշենք. յուրաքանչյուրս պարտավոր ենք մեր հնարավորությունների չափով օգտակար լինել դպրոցին, քանզի դա մեր նորանկախ պետականության հիմնասյուներից մեկն է և բոլորիս երազած արժանավայել կյանքի գրավականը։
    Վստահեցնում եմ` յուրաքանչյուրիս ներդրած մի կաթիլը ծով կդառնա և մեծապես կօգնի դպրոցին` ամուր դարբնելու մեր ու մեր հետնորդների պայծառ գալիքը։